के तपाईंको गिजा सुन्निने, गिजाबाट रगत आउने समस्या छ?

धेरै मानिसहरू गिजा सुन्निने,दुख्ने र गिजाबाट रगत आउने समस्याले पीडित छन्। यस्ता समस्याका मुख्य कारण  भनेको दांत र मुखभित्रको सफाईमा ध्यान नदिने बानी र भिटामिन-सी को कमी हुन्।
डायबिटीजको रोगी र गर्भवती महिलामा (हार्मोनको परिवर्तनले) पनि यस्ता समस्या देखापर्न सक्छन्।

रोकथाम गर्ने तरीका

✍️सर्वप्रथम दांत र मुखभित्रको सफाईमा विशेष ध्यान
     दिनुपर्छ। दिनको दुई पटक-राती सुत्नुभन्दा अगाडी र
     बिहान नास्ता गरेपछि ब्रस गर्ने।
     हप्ताको १-२ पटक mouthwash को प्रयोग गर्नु
     लाभदायक देखिन्छ।

✍️प्रशस्त मात्रामा भिटामिन-सी को प्रयोग गर्नुहोस्।
     भिटामिन-सी को मुख्य स्रोतहरू:
     कागती, अङ्गुर,गोलभेडा, मेवा, आंप,  स्ट्रबेरी, हरियो
     साग-सब्जी आदी।
     भिटामिन-सी को बारेमा सम्पुर्ण कुराहरू छुट्टै लेख्नेछु ।

✍️कम्तिमा पनि वर्षको एक पटक दन्तरोग विशेषज्ञसंग
     चेकजांच गराउनुहोस् ।

घरेलु उपचार :

✍️मनतातो पानीमा थोरै नुन हालेर दिनको ३ पटक कुल्ला
     गर्नुहोस्।

✍️मह, बेसार र नुन मिसाएर सुन्निएको ठाउंमा लगाउनुहोस् 
     

घरेलु उपचारले ठीक नभएको खण्डमा दन्तरोग विशेषज्ञसंग सम्पर्क गर्नुहोस् ।

    

के तपाईंको दांत सिरिङ्ग हुन्छ? धुलो र जेल(GEL) दंन्तमञ्जनमा कुन फाईदाजनक?

धुलो दंन्तमञ्जनमा कुनै पनि लुब्रिकेन्ट(LUBRICANT - चिप्लो पार्ने पदार्थ) हुंदैन। यसकारण ब्रस,धुलो दंन्तमञ्जनका कणहरू र दांत बीच धेरै घर्षण हुन्छ र दांतको बाहिरी भाग अर्थात ENAMEL खिईनसक्ने डर रहन्छ।

यसले गर्दा दांत सिरिङ्ग हुने, दांत दुख्ने जस्ता समस्या देखा पर्न सक्छन्।
त्यसैले आफ्नो पहुंच भएसम्म जेल(GEL) दंन्तमञ्जनको प्रयोग गर्नुहोला।

✍️बेलाबेलामा दांत सिरिङ्ग हुने समस्या देखा परेमा        
      PEPSODENT( पेप्सोडेन्ट), SENSODYNE          
      सेन्सोडाइन), MEDIPLUS(मेडीप्लस) जस्ता
      FLUORIDE युक्त दंन्तमञ्जन बिहान र राती दांतमा
      लगाएर १-२ मिनेटसम्म राख्नुहोस् र बिस्तारै ब्रस
      गर्नुहोस् ।

✍️खानामा भिटामिन-सी(VITAMIN-C) जस्तै कागतीको
     प्रयोग गर्नुहोस्।
     तर यस्तो समस्या भएका व्यक्तिले कागती तथा अन्य
     अमिलोजन्य वस्तुको एकल प्रयोग नगरौं। यी खानेकुराले
     ENAMEL खियाउन सक्छन् ।

✍️अत्याधिक चिसो र तातो खानेकुरा, ICE/ बरफलाई सिधै दांतको सम्पर्कमा नल्याउनुहोस् ।

के हामी सही तरीकाले दांत माझ्छौं त?

 धेरै मानिसहरूले ब्रसलाई मज्जाले घोट्ने,टोक्ने गर्छन् जसकारण गिजाबाट रगत आउने गर्छ ।

यसो गर्नु हुन्छ भने यो बानी तुरून्तै हटाउनुहोस् ।

ब्रसलाई दांतमा टांसेर अगाडी पछाडी घोट्दैमा हाम्रो दांत र गिजामा अड्केका फोहोर निस्कदैन ।

यसको लागी सही तरीका अपनाऊनु पर्छ।

१.ब्रसलाई दांतसंग ४५° को कोणमा मिलाएर राख्नुहोस् र गोलो मुद्रामा (circular motion)बिस्तारै घुमाउनुहोस्।

२.पछाडीका दांतहरूको चबाउने भागमा पनि यसरी नै सफा गर्नुहोस्।

३.दांतको भित्री भागमा पनि सफा गर्न अत्यन्तै आवश्यक हुन्छ। यसको लागी ब्रसलाई ठाडो(vertical) पारेर भित्रीभागमा लगाउनुहोस् र गोलो मुद्रामा(circular motion) बिस्तारै घुमाउनुहोस् ।

४.दांतसंगै जिब्रोको माथिल्लो भाग पनि सफा गर्नु जरूरी हुन्छ। यसको लागी तपाईंले ब्रस वा Tongue cleaner को प्रयोग गर्न सक्नुहुन्छ।

दांतलाई सफा र स्वस्थ राख्न दिनको दुई पटक Fluoride युक्त दंन्तमञ्जको प्रयोग गर्नुहोला।

DENTAL HEALTH

HOW TO PROTECT YOUR TEETH FROM GERMS?

Teeth are the vital structure of our body.

So,its proper care and maintenance should be really focused well.

Here are some tips to protect tooth .

1.Brush your teeth twice a day.(Techniques to brush tooth properly will be posted in next blog)

2.Rinse your mouth with water or mouthwash properly after taking meal or food.

3.Carbohydrates remnants in mouth stucked in tooth gaps,pits and fissures of tooth are the preliminary factors for caries development in tooth.So,one must be careful and remove stucked food items from mouth either by rinsing or by using dental floss.

4.Tooth brushing after breakfast or meal is really effective but make sure that you are not brushing your teeth immediately(at least 30 minutes) after taking food as it may cause dentine sensitivity.

Next blog will be published soon based on tooth brushing techniques(most of the people are brushing in wrong way)

एसिड आक्रमण : आज समाजमा महिला पुरुष बराबर अर्थात लैङ्गिक समानता छ भनेर कसरी भन्न सकिन्छ?

आज समाजमा महिला पुरुष बराबर अर्थात लैङ्गिक समानता छ भनेर कसरी भन्न सकिन्छ?

सन्दर्भ एसिड आक्रमण :

एउटा नारीले आफुलाई मन नपर्ने पुरूषलाई सहजरूपमा इन्कार गर्न सक्ने अवस्था छैन। 

कुनै पुरूषले नारीको प्रेम प्रस्ताव रिजेक्ट गर्यो भने  उ उसको समुहमा मर्द कहलाउंछ। उसका साथीहरू उसको हाई-हाई गर्छन अनि भन्न थाल्छन "वाह केटो! गजब गरिस्।" 

कतै देख्यो कि उ सबैलाई सुनाउन भ्याउंछ

"ओई सुन्, मैले त्यो केटीलाई रिजेक्ट हान्देको" 

यति शानले भन्छ कि उसले विश्वलाई नै चकित पार्यो। कुनै देशले अन्तरिक्षमा चन्द्रयान पठाएको भन्दा धेरै गर्वका साथ कड्किन्छ र यहां पनि नारीकै बेइज्जत गरिन्छ। 

अनि जब उसको पालो आउंछ, उसलाई कोहि मन पर्न थाल्छ, उ प्रेमप्रस्ताव राख्न जान्छ ।

कुनै दिन कसैलाई रिजेक्ट गरेको ऊ, आफु रिजेक्ट भएको सहन सक्दैन,उसको मर्दाङ्गीमा हलचल हुन्छ र आत्मसन्तुष्टिको लागी एक निर्दोष नारीको रूप, जीवन र अस्तित्वमाथि भयावह रूपमा प्रस्तुत हुन्छ, गाली-गलौज दिन्छ, एसिड फ्यांक्छ र मर्दाङ्गी देखाउंछ ।

तर के उ साच्चै मर्द थियो त? 

कसैको जीवनसङ्ग तुच्छ व्यवहार गर्ने उ समाजमा खुलेआम हिंड्छ र एक निर्दोष नारी घरबाट बाहिर निस्कन सक्दिन, समाजमा घुम्टो ओढेर, मुहार छोपेर  हिंड्न बाध्य हुन्छिन्  जहाँ अपराधी छाती फुलाएर हिंड्छ । 

अब तपाईं नै भन्नुहोस्; के हाम्रो समाज र देशमा लैङ्गिक विभेदताको अन्तय भयो? 

के पुरुषले नारीप्रति जस्तो व्यवहार गरेपनि हुन्छ? 

के हामी त्यही समाजमा सिमित रहने जहां पुरूष अपराध गर्छ तर अपराधीको बोझ नारीले बोक्नु पर्छ? 

प्रतिक्रिया दिनुहोस्। 

🙏जय नेपाल